நண்பர்களிடமும்சக பணியாளர்களிடமும்
யாரிடமும்
விவாதிப்பதற்கு முன்பதாகவே
அன்றைய இரவு
சொற்களைத் தேர்வுசெய்ய வேண்டியுள்ளது.
கற்பனை வளம்
வாதத்திறமை
எதிர்தொனி
மொழிவளம்
இலக்கண கட்டமைப்பு
என்கிற அத்துனை
வரயறைகளையும் கொண்ட
சொற்கள் தேவைப்படுகின்றன
எதிர்பிரதியின் கருத்துகளைத்
முடமாக்க.
விவாதிப்பதற்கு அமரும் முன்
எல்லாம்வகையான தீர்மானங்களையும்
கொண்கிருக்கும் சொற்கள்
முன்னால் இருப்பவரை
வசப்படுத்த மெல்ல மெல்ல
வன்முறையைக் கையாளும்.
விவாதம்அர்த்தமற்ற ஒரு புள்ளியை
வந்தடையும்போது
நமது சொற்கள்
எதிர்பிரதியின் தொண்டைக்குள்
நுழைந்து அவரை
நமதாக்கியிருக்கும் அல்லது
சோர்வடையும் வகையில்
சலிப்பைக் கசிந்திருக்கும்.
எங்கு முடிவடையும்
என்கிற முடிவில்லாத தொடர்ச்சியில்
சொற்கள் கட்டமைத்த
சார்பின் பிரதி
சுயத்தையும் எதிர்பிரதியையும்
தோற்கடித்திருக்கும்.
ஆக்கம்: கே.பாலமுருகன்
மலேசியா
.
